Par furlan.
La Lavande in Furlanie ‘e ven fate cresi tai orz dal plan, ma ancje ta chei des zonis de monte mezane e basse. Si presente sot forme di un piçul arbusit simpri vert e unevore fis di ramis. ‘E a fueis sutilis di colôr vert grîs.
Lis rosis invessit, tiradis adun in t’une sorte di spi, si presentin di colôr viole smavît, e a’ son furnidis di un nulôr fuart e carateristic, come dute la plante dal rest. La Lavande ‘e sfluris dilunc dut l’istât. Cheste plante ‘e jere cognosûde pe sô utilitât inmò te antighitât.
Tant a dî che bielzà i patrizis romans la dopravin par rigjavâ parfums e onginz. La povare int invessit in forme plui ordenarie si zovave di jê par diliberâsi dai pulz e dai pedôj. Purpûr la valence de Lavande par slontanâ tarmis e insez tai armârs dulà che si conserve blancjarie e vistîz, ‘e jè cognosude e doprade inmo in dì di vuè.
Di cheste plante, in speziarie, si dopre lis rosis daspò fatis secjâ e un infûs a meset cul vueli. Chest infûs si lu oten fasint fraidesi tal soreli une grampe di rosis frescjis in t’un litri di vueli di ulive. ‘E jè di zovament par curâ lis inflamazions dai broncs, pe asme.
In italiano.
La Lavanda in Friuli cresce tra gli orti della pianura, ma anche in quelli delle zone di mezza montagna. Si presenta sotto forma di piccolo arbusto sempreverde e con i ramoscelli molto fitti. Ha foglie molto sottili di colore verde/grigio.
I fiori invece sono radunati e formano una specie di spiga, sono di colore viola chiaro, hanno un odore forte e caratteristico, come tutta la pianta del resto. La lavanda fiorisce durante tutta l’estate. Questa pianta era conosciuta per la sua utilità anche nell’antichità.
Già i patrizi romani la usavano per ricavarne profumi e unguenti. La povera gente, invece, in forma più ordinaria, la usava per liberarsi dalle pulci e dai pidocchi. Pure la sola presenza della lavanda allontanava tarme ed insetti dagli armadi dove si conservavano la biancheria e i vestiti.
Di questa pianta, in erboristeria, si usano i fiori dopo averli fatti essiccare per farne un infuso misto all’olio. Questo infuso si ottiene facendo macerare al sole una manciata di fiori freschi in un litro di olio d’oliva. Da giovamento per curare le infiammazioni dei bronchi e per l’asma.
