Tratto dallo Strolic Furlan 2020, Racconto di Antonino Danelutto, Società Filologica Friulana
Par furlan.
Chest fat al è sucedût tancj agns fa. Le Dele dai Carlôcjos, une femine di Racolane, a l’ere lade inta braide a fâ fen. Le bunore a le veve seât un biel toc di prât e, prin che il sorêli al fos lât a mont, a si ere date di fâ par meti in cagol il fen, par ch’a nol cjapàs l’umit da le rosade.
Fat ancje chest lavôr, strache, a le veve cjapât sù il gei e il riscjel e a si ere inviade par tornâ a cjase. Pouc lontan dal troi al ere un biel cocolâr: le Dele no si lassave scjampâ nissun Atom par cjoli sù le’ sôs coculis, grossis e cence bau.
Man man ch’a si svizinave al cocolâr a le diventave simpri pui spasimade e no le voleve crodi ai siei vôi: ator ator dal arbul un om al girave cence pâs, come s’al balàs. A si ere fate coragjo, a si ere fermade un moment, chel ch’al bastave par ricognossi in che om il Vigji, un vecjo dal pâis ch’al ere muart un pâr di agns prime.
Eh, sì, al ere propi il Vigji! A lu cognosseve ben: cuant ch’al ere in vite si incuintravin dispès e si cjacaravin dal pui e dal manco. Cjapade da le poure, le Dele no si ere sintude di clamà il Vigji, e nancje di saludâlu: tant lui no le varès abadade, intent come ch’al ere a baluçâ ator dal cocolâr. A le veve pensât ben di slungjâ il pas e cul cûr in bocje, ogni tant a si girave par viodi se il Vigji al vignive daûr.
A l’ere rivade a cjase fûr di sè, a le veve davant dai siei vôi il Vigji ch’al balave. Ma eral dut vêr? Intant ch’a si sfuarçave a cirî une spiegazion, le’ cjampanis a si erin metudis a sonâ i bots: a le visavin ch’a l’ere apene muarte le femine dal Vigji!
In italiano.
Questo fatto è successo tanti anni fa. Adele dei Carlocjos, una donna di Raccolana, era andata nel campo a tagliare il fieno. Al mattino presto, aveva falciato un bel pezzo di prato e, prima del tramonto, si era data da fare per metterlo in covone, in modo che non si inumidisse con la rugiada.
Finito anche questo lavoro, stanca, aveva raccolto la gerla e il rastrello e si era avviata per rientrare a casa. Poco lontano dal viottolo, c’era un bell’albero di noci: Adele non si lasciava scappare nessun autunno per raccogliere le noci, grosse e senza verme.
Man mano che si avvicinava all’albero, diventava sempre più ansiosa e non voleva credere ai suoi occhi: attorno all’albero, un uomo girava senza pace, come se ballasse. Si era fatta coraggio, si era fermata un momento, quello che bastava per riconoscere in quell’uomo Luigi, un vecchio del paese che era morto un paio di anni prima.
Eh, sì, era proprio Luigi. Lo conosceva bene, quando era vivo si incontravano spesso e parlavano del più e del meno. Presa dalla paura, Adele non si era sentita di chiamarlo né di salutarlo: tanto lui non ci avrebbe fatto caso, intento com’era a ballare attorno al noce. Aveva pensato bene di allungare il passo e, con il cuore in gola, ogni ogni tanto si girava per vedere se Luigi la seguiva.
Era arrivata a casa fuori di sè, aveva davanti ai suoi occhi Luigi che ballava. Ma era tutto vero? Mentre si sforzava a trovare una spiegazione, le campane si erano messe a suonare a morto: l’avvertivano che era appena morta la moglie di Luigi.
