Il Martas dai Furlans. Giovanni Pietro Astemio di San Denêl.

Poete e maestri di scuele.

Martas ai 3 di avrîl dal 1077 a nasseve la Patrie dal Friûl. Ogni martas cuindi i fevelarìn di un personaç ilustri da zone dal alt Friûl. Par cjacarâ di Giovanni Pietro Astemio si sin fats judâ ancje dal Dizionari Biografic dai furlans “Liruti”, dulà che la vôs di Astemio è stade scrite di Andrea del Ben.

Astemio l’è nasût a San Denêl tal 1505 e no si sa nuje da so vite prime c’al deventas maestri tal so paîs.
Par trent’ains al à fat chel mistir in paîs e, cun un grup di poetis al scriveve da sô passion par l’amôr e par lis feminis. Studiôs dal latin, la sô poesie a seguive i stes schemis dai carmen latins, cun riguard par Catullo e Orazio. Al fevelave, ta sô poesie, dal so paîs emplanlu di mitologie e clamant lis feminis: Teia, Galatea, Perilla. Del Ben, fevelant di lui, al fâs risaltâ lis sôs letaris, dulà che il poete a cjacare da sô vite. Une letare mandade a Cristoforo Frangipane a fevele da femine dal poete, muarte di part tal 1544. Restat di besôl cun tre frus, la sô poesie a cambie e il poete al fevele di sè, e di trop ca tribule. Di Astemio a restin centetre carmina che cumò a si cjatin ta biblioteche Guarneriane, ta biblioteche Joppi a Trevîs e a Vignesie.