Il Martas dai Furlans. Giuseppe Antonini di Glemone

Artigjian e Inventôr.

Martas ai 3 di avrîl dal 1077 a nasseve la Patrie dal Friûl. Ogni martas cuindi i fevelarìn di un personaç ilustri da zone dal alt Friûl. Par cjacarâ di Giuseppe Antonini si sin fats judâ ancje dal Dizionari Biografic dai furlans “Liruti”, dulà che la vôs di chest inventôr è stade scrite di Luca Gianni.

Giuseppe Antonini al è stât un artigjan e un inventôr di Glemone. Nasût tal 1876, fin di piçul al à simpri vût la pasion par la mecaniche e la tecniche. Lis primis motociclettis in Friûl a son stadis fabricadis di lui tal 1903.

Tal 1910, cun Gioacchino Colombaro e Gino Plateo, al à costruît un monoplan. A si è scambiât letaris cun Marconi e Popov e, jessint un inventôr une vore ecletic, al è stât bon ancje di svilupâ trasmisions radio cence fîl e di lavorâ cun Arturo Malignani par fâ lis lûs eletrichis cun estrasion a arie. Chest al è il stes brevet che al è stât vendût a Thomas Edison. L’è rivât ancje a costruî une sô machine di prese, tai ains dulà che ancje in Americhe si stave cirint di svilupâ il plui pusibil l’industrie cinematografiche. Cun cheste machine al à filmât i documentaris: “Il treno di Pontebba”, “Il treno di Cividale” e “Il palazzo municipale di Udine”, proietâs a Udin, dulà che al è muart tal 1962.